महेन्द्रनगर । नेकपा एमाले भीमदत्त नगरपालिका वडा नं. १० वडा कमिटीले विभिन्न चार बुँदे माग राखेर सोमबार वडा कार्यालयलाई ज्ञापन पत्र बुझाएको छ ।
एमाले वडा कमिटीले गड्डाचौकीदेखि ब्रह्मदेबसम्म ट्रयाक खोलिएको सडकको निर्माण, निर्माणाधिन वडा कार्यालय भवनको गुणस्तरहिन कार्य छानिबन, भुजेला पुल उत्तर सडक कालोपत्रेका लागि बजेट विनियोजन र श्रीलंका टोलको खानेपानी योजना सञ्चालनको माग राखेर कार्य वाहक वडा अध्यक्ष प्रताप सिह साउँदलाई ज्ञापन बुझाएको छ ।
एमाले वडा कमिटीका अध्यक्ष गोबिन्द सिह रावल र सचिव नितेश भट्टले संयुक्त रुपमा हस्ताक्षर गरेको ज्ञापन सोमबार वडा कार्यालयमा कार्य वाहक अध्यक्ष साउँदलाई बुझाइएको हो ।
