महेन्द्रनगर । प्रहरीले पत्रकार भट्टलाई पक्राउ गरेको छ । भीमदत्त नगरपालिका १० गड्डाचौकीबाट शनिबार विहान पत्रकार भट्टलाई पक्राउ गरिएको हो ।
जिल्ला प्रहरी कार्यालय कञ्चनपुरले पत्रकार भट्टमाथि विद्युतीय कारोबार सम्बन्धी मद्दामा पक्राउ गरेको जानकारी दिएको छ ।
जिल्ला अदालत कञ्चनपुरको अनुमति अनुसार पत्रकार भट्टलाई पक्राउ गरिएको कञ्चनपुर प्रहरीले बताएको छ। भीमदत्त नगरपालिका ४ का ४२ वर्षीय भट्ट गायत्री टुर एण्ड ट्रभल्सको बजार व्यवस्थापन पनि गर्दै आएका थिए ।
जिल्ला प्रहरी कार्यालय कञ्चनपुरका प्रहरी निरीक्षक बिनु शाहीले प्रंहरी जवान नविन नाथलाई यातना दिएर जागिरबाट राजीनामा दिएको विषयमा भट्टले समाचार तथा सामाजिक सञ्जालमा लेख्दै आएका थिए ।
जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक प्रकाश डाँगीले भट्टलाई नियन्त्रणमा लिएर अनुसन्धान थालिएको बताए ।
