महेन्द्रनगर । नेपाल पुस्तक तथा स्टेशनरी व्यवसायी महासंघ जिल्ला शाखा कञ्चनपुरले ११ औं पुस्तक दिवस तथा सरस्वती पूजाको अवसरमा अनाथ बालबालिकालाई शैक्षिक सामाग्री सहयोग गरेको छ ।
महाकाली अञ्चल बाल अनाथालयका कार्यक्रम गरी बुधबार पुस्तक, स्टेशनरी र खेलकूद सामाग्री सहयोग गरिएको छ । कार्यक्रममा बालबालिकालाई मिठाई वितरण पनि गरिएको छ ।
नेपाल पुस्तक तथा स्टेशनरी व्यवसायी महासंघ जिल्ला शाखा कञ्चनपुरका अध्यक्ष धर्मानन्द भट्टको अध्यक्षतामा कार्यक्रम गरिएको छ । कार्यक्रममा महासंघका प्रदेश सदस्य हरिश प्रसाद भट्ट, जिल्ला सचिव विनोद प्रसाद बोकटी, सल्लाहकार नवराज भट्ट लगायतका सहभागी भएका छन् ।
