महेन्द्रनगर । भीमदत्त नगरपालिका १३ बडैपुरस्थित बाल बिद्या निकेतनले विभिन्न कार्यक्रम सहित ११ औ बार्षिकोत्सव मनाएको छ । विद्यालयका संस्थापक कृष्ण सिह साउँदको अध्यक्षता र वडा अध्यक्ष राम बहादुर बोहराको प्रमुख आतिथ्यमा कार्यक्रम गरी वार्षिकोत्सव मनाइएको छ ।
कार्यक्रममा पूर्णा माध्यमिक विद्यालयका प्रधानाध्यापक धनीदत्त पन्त,सिद्धनाथ माविका प्रधनाध्यापक जय बहादुर बिष्ट थिए । कार्यक्रममा सिद्धनाथ मावि व्यवस्थापन समितिका अध्यक्ष महेशा दत्त भट्ट, समाजसेवी तथा व्यवसायी भोज ठगुन्ना लगायतका भीनपा १३ का वडा सदस्यहरु सहभागी भए ।
कार्यक्रममा वडा अध्यक्ष बोहरा सहित व्यवसायी भोज ठगुन्ना,सन्तोष लुहार,सुरेन्द्र चन्द र समाजसेवी सुरेन्द्र बिष्टलाई विद्यालयका गरिएको सहयोगका लागि सम्मान गरिएको छ ।
विद्यालयले उत्कृष्ठ विद्यार्थी प्रिन्स कठायत, उत्कृष्ठ शिक्षक शारदा थापा तथा अनुशासन तथा सरसफाईमा आरुसी साउद र दृष्टि महतालाई सम्मान गरेको छ । कार्यक्रमका अतिथि व्यवसायी ठगुन्नाले विद्यालयका छात्र आयुस धामीलाई नगद १ हजार एक सय सय रुपैँया सहयोग गरे ।
कार्यक्रममा विभिन्न विधाका उत्कृष्ठ विद्यार्थीलाई पुरुस्कृत प्रदान गरिएको छ । कार्यक्रममा विभिन्न साँस्कृतिक कार्यक्रम तथा झाँकीहरु प्रस्तुत गरिएका छन् ।
