महेन्द्रनगर । महेन्द्रनगर बसपार्कको एक होटलबाट जुवा खेलि रहेका ९ जना पक्राउ परेका छन् । जिल्ला प्रहरी कार्यालयको प्रहरी टोलीले वसपार्कस्थित ग्रीन भोजनालयका सञ्चालक डबल राज जोशी सहितलाई पक्राउ गरेको हो ।
जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक प्रकाश डाँगीले जुवातास खेलि रहेको गोप्य सूचनाका आधारमा होटेलको पाँचौ तलाबाट उनीहरुलाई पक्राउ गरिएको बताए ।
जुवाखालबाट तीन गड्डी तास र ३३ हजार ८ सय ८८ रुपैँया नगद बरामद गरिएको छ । पक्राउ गरिएका सबैलाई हिरासतमा राखेर अनुसन्धान थालिएको प्रहरीले जनाएको छ ।
