परालको आगो श्रीमान श्रीमतीको झगडा भन्ने उखान छ । घर व्यवहार चलाउने क्रममा हुने श्रीमान श्रीमपतको झगडालाई परालको आगो भनिएको रहेछ । परालको आगो भनिने श्रीमान श्रीमतीको झगडा राजनीतिमा भने डडेलो नै बन्दो रहेछ । नागरिक उन्मुक्ति पार्टी (नाउपा)मा यस्तै अवस्था देखा परेको छ । श्रीमान रेशम चौधरी र श्रीमती रञ्जिता श्रेष्ठबीचको झगडाले ७ुलै डडेलोको रुप धारण गरेको छ । सत्ता समीकरण फेरिएसँगै पार्टी अध्यक्ष रञ्जिता र संरक्षक रेशम चौधरीबीच विवाद बढेको छ । रन्जिताले वर्तमान सत्ता गठबन्धनलाई समर्थन गरे पनि उनका पति रेशम त्यसको विपक्षमा छन् ।
यही विवादको क्रममा सोमबार पार्टी केन्द्रीय कार्यालय अनामनगरमा रन्जिता र रेशम पक्षका नेताहरुबीच कुटाकुट भएको छ । नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठले गण्डकी र बागमती प्रदेशका अध्यक्षलाई पार्टीबाट निष्कासन गरेकी छन् । अध्यक्ष श्रेष्ठले गण्डकी प्रदेशका अध्यक्ष राजन गुरुङ र बागमती प्रदेशका अध्यक्ष दीपबहादुर योञ्जन तामाङलाई पार्टीबाट निष्कासन गरिएको पत्र पठाएकी छन् । उनीहरुमाथि पार्टीका संस्थापक केन्द्रीय सदस्यहरू रामलाल डगौरा थारु र रमेश विश्वकर्मालाई कुटपिट तथा अभद्र व्यवहार गरेकोले कारबाही स्वरुप निष्कासन गरेको पत्रमा उल्लेख गरिएको छ ।
सुदूरपश्चिम प्रदेश सरकार गठनमा निर्णायक रहेको नागरिक उन्मुक्तिभित्रको विवाद उत्कर्षमा पुगेर पार्टी नै विभाजनको संघारमा पुगेको छ । पार्टी संरक्षक रेशम चौधरीले सुदूरपश्चिम सरकारलाई समर्थन दिने भन्दै आप्mनो दलको तर्फबाट मन्त्री पठाएका थिए तर अध्यक्ष रञ्जिता श्रेष्ठले वर्तमान गठबन्धनलाई समर्थन गर्ने भन्दै प्रधानमन्त्रीलाई विश्पसको मद समेत दिएर प्रदेशहरुमा पनि अहिलेको गठबन्धनसंग सहकार्य गर्ने अडानमा छन् । पार्टी संरक्षक रेशम चौधरीको समर्थन पाएका सुदूरपश्चिम प्रदेशका मुख्यमन्त्री कमल बहादुर शाह दुई जाना सांसद जुटाउन लागेकै बेला नागरिक उन्मुक्ति पार्टी (नाउपा)मा विवादले सीमा नाघेकाले मुख्यमन्त्री शाह अलमलमा परेका छन् । शाहले आप्mनो पक्षमा बहुमत पु¥याउनसात जना सांसद रहेको नागरिक उन्मुक्ति पार्टीका पा“च जनालाई मन्त्री बनाइसकेका छन् ।
कांग्रेस १८, नाउपाका ७, राप्रपाकी खेमादेवी बिष्ट र स्वतन्त्र सांसद डा.ताराप्रसाद जोशीको समर्थन लिएर आप्mनो पक्षमा बहुमत २७ सांसद पु¥याउने शाहको रणनीति थियो तर नागरिक उन्मुक्ति पार्टीमा सत्ता सहकार्यको विषयलाई लिएर विवाद चर्किएपछि भने मुख्यमन्त्री समस्यामा परेका छन् । नागरिक उन्मुक्ति पार्टीका कारण मुख्यमन्त्री शाह सत्तामा रहलान नरहलान तर नागरिक उन्मुक्ति पार्टीको भविश्य के हुने भन्ने तर्फ त्यस दलले सोच्नु पर्ने हो । श्रीमान श्रीमतीको झगडाले सिंगो पार्टीलाई नै समाप्त गर्ने काम राम्रो होइन । सत्ताको लिप्सा नेपालका राजनीतिक दलहरुमा कति रहेछ भन्ने कुरा बन्ने र भत्किने गठबन्धनले पुष्टि नै गरेको छ र यही सत्ता स्वार्थका कारण पार्टीभित्र कुटाकुट हुने र अन्तमा गएर पार्टी फुटाउने काम विगत देखि नै हुदै आएको छ यही अवस्था नागरिक उन्मुक्ति पार्टीमा देखिएको छ ।
