Sarsoti

दोधारा चाँदनी १ मा तारबार गरी बन्द गरिएको बाटो खुल्यो, उप मेयरदेखि हाकिमसम्मले गरे छलफल

lotus institute

महेन्द्रनगर । दोधारा चाँदनी नगरपालिकाका उप मेयर गंगा जोशी सहित जनप्रतिनिधि र कर्मचारीले स्थानीयसित छलफलपछि तारबार गरी बन्द गरिएको नहरको बाटो खुलाएका छन् । स्थानीयले नहर बाटोमा ग्राभेल हाल्न अवरोध गरेपछि उप मेयर नेतृत्वको टोली विहान आएर स्थानीयसित छलफल गरेको थियो ।

स्थानीय दुई परिवारले राखेको नहरको सबै बाटोमा खोलिनु पर्ने अडान राखेपछि विवाद भएको थियो । उनीहरुले आफ्नो जमिनका लागि मूल सडक किनारमा तारबार गरी बाटो बन्द गरि दिएका थिए ।

morning glory
Mahendranagar

दोधारा चाँदनी नगरपालिका १ का वडा अध्यक्ष बिक्रम बहादुर चन्दले नहर किनार भएर आएको बाटोमा दुई परिवारले विवाद गरेको बताए । उनले वडा कार्यालयले वस्तीका सबै वासिन्दालाई पुग्ने गरी बाटोमा ग्राभेल हाल्न लागेको बताए ।

उप मेयर जोशी सहित वडा अध्यक्ष चन्द, प्रमुख प्रशासकीय अधिकृत गणेशदत्त मिश्र, सामाजिक विकास अधिकृत भानदेब भट्ट, प्रशासकीय अधिकृत डम्बरध्वज अवस्थी सहित स्थानीय बाटो खुलाउन पुगेका हुन् । उनीहरुलाई जग्गाधनी महिलाले केही समयसम्म अवरोध गरेकी थिइन् ।

मूल सडक किनारमा तारबार गरी बाटो बन्द भएपछि न्यायिक समितिले स्थानीयले मुद्दा दिएका थिए । उप मेयर नेतृत्वको समितिले दुबै पक्षसित छलफल गरेको थियो ।

दोधारा चाँदनी नगरपालिकाका प्रमुख प्रशासकीय अधिकृत मिश्रले स्थानीयसित छलफलपछि शान्ति पूर्वक रुपमा बाटो खोलिएको बताए ।

saark school
सम्बन्धित
Loading...