सत्ताबाट बाहिरिनै लाग्दा यही असार ३० गते तत्कालीन गृहमन्त्री रवि लामिछानेले पत्रकार सम्मेलन गरी निर्मला पन्त हत्या सम्बन्धी घटनाको अनुसन्धानमा दोषी नजिक पुगेको दाबी गरेर सत्ताबाट बहिर्गमन भएका थिए । तर हत्या भएको ६ वर्ष बितिसक्दा पनि प्रहरीले अनुसन्धान भइरहेको भन्ने जबाफ दिने गरेको छ । भीमदत्त नगरपालिका–२ उल्टाखामकी १३ वर्षीया किशोरी निर्मला पन्तको बलात्कार र हत्या भएको साउन १० गते ६ वर्ष पूरा भएको छ । ६ वर्षको अवधिमा ५ जना गृहमन्त्री र धेरै प्रहरी प्रमुख फेरिएका छन् । अनुसन्धन गर्नका लागि ६ वटा समिति पनि बनेका छन् तर अहिलेसम्म हत्यारा पत्ता लाग्न सकेको छैन । गृह प्रशासन ६ बर्ष देखि उही जबमफ अनुसन्धान जारी छ भन्ने मात्र आउछ ।असार ३० गते तत्कालीन गृहमन्त्री रवि लामिछानेले पत्रकार सम्मेलनमा अत्यन्त नजिक पुगेका बताए पनि अहिलेसम्म सार्वजनिक भएको छैन ।
१० साउन २०७५ मा साथीको घरमा पढ्न जान्छु भनेर निस्केकी पन्त भोलिपल्ट भीमदत्त नगरपालिकाकै निम्बुखेडा खोला किनारको उखुबारीमा मृत भेटिएकी थिइन् । अनुसन्धानका लागि थुप्रै छानबिन समिति बने पनि ६ वर्ष बित्दा पनि घटना रहस्यमै छ । हत्याको विरोधमा सडकदेखि सदनसम्म आवाज उठ्यो । यो घटनाले राष्ट्रिय र अन्तर्राष्ट्रिय स्तरमा चर्चा बटुल्यो । तर अनुसन्धान शून्यमै छ । अहिलेसम्म प्रहरीले अनुसन्धान गरिरहेका छौं भनेर आश्वासन मात्रै दिने गरेको छ । अहिलेसम्म १२४ जनाको डिएनए परीक्षण गरिएको र साढे ६ सयभन्दा बढीको लिखित बयान लिइसकेको प्रहरीको भनाइ छ । घटनाको छानबिनका लागि गृह मन्त्रालयले सहसचिव हरिप्रसाद मैनालीको संयोजकत्वमा उच्चस्तरीय छानविन समिति बनायो । त्यो समितिले निष्कर्षमा प्रहरीमाथि नै छानविन हुनुपर्ने सुझाव दिएको थियो । त्यसपछि प्रहरीले तत्कालीन एआइजी धीरु बस्न्यातको संयोजकत्वमा छानबिन टोली बनायो । यस्तै छानबिनका अन्य टोली पनि बने तर नतिजा शून्य छ ।
२०७५ साउन १० गते बिहान निर्मला साथी रोशनी बमको घरमा गएकी थिइन् । सा“झसम्म घर नफर्केपछि आमा दुर्गादेवी रोशनीको घरमा गएर सोधपुछ गर्दा त्यहा निर्मला नभेटिएपछि उनले प्रहरी गुहारिन् । प्रहरीले आलटाल गरेर रातिको समयमा खोजीमा जान मानेन । दोस्रो दिन (११ गते) बिहान घरनजिकै उखुबारीमा घोप्टो परेको अवस्थामा निर्मलाको शव फेला प¥यो । बलात्कारपछि उनको हत्या गरिएको थियो । अहिले यसै क्षेत्रका सांसद रमेश लेखक गृहमन्त्री भएकाले निर्मला पन्तको अत्यारा पत्ता लाग्ने आसा पलाएको छ । गृहमन्त्री लेखक देशकै गृहमन्त्री भए पनि उनकै निर्वाचन क्षेत्रमा घटेको र ६ बर्षसम्म पत्ता लाग्न नसकेको घटनालाई पहिलो प्राथमिकतामा राखेर छिटो भन्दा छिटो निर्मला पन्तको हत्यारा पत्ता लगाउन उनको पहिलो दायित्व हो ।
अहिलेसम्म भएका गृहमन्त्रीले दिने जबाफ जस्तै जबाफ दिएर उनी पन्छिन पाउने अवस्था छैन । अरु गृहमन्त्री यस क्षेत्रका होइनन् र उनीहरुलाई त्यति चासो नराखेको पनि हुन सक्छ । घटनाको प्रकृति र प्रहरीको तत्कालिन भूमीकाले हत्यारा सामान्य व्यक्ति नभएको पुष्टि गरेको देखिन्छ । त्यसैले पनि अहिले सम्म भएका गृहमन्त्रीहरुले यस घटनामा हात नहालेको हुनसक्छ । तर अहिलेका गृहमन्त्री लेखकले विगतका गृहमन्त्रीको जसरी आलटाल गरेर उम्किने ठाउ“ छैन् । त्यसैले गृहमन्त्री लेखकको पहिलोकाम नै निर्मला पन्तको हत्यारा पत्ता लगाउने हुनु पर्दछ र गृहमन्त्री लेखककोे राजनैतिक भविश्य पनि यही घटनासंग जोडिनसक्ने हु“दा हत्यारा पत्ता लगानु पहिलो दायित्व बनेको छ ।
