ghar sansar

दोधारा चाँदनीमा स्थानीयलाई घर निर्माणमा भारतीय एसएसबीको अवरोध

khasi

महेन्द्रनगर । दोधारा चाँदनी नगरपालिका–०१, पशुपति टोलमा नेपाली भूमिभित्र निर्माणाधीन घरमा भारतीय सीमा सुरक्षा बल (एसएसबी) ले अवरोध  गरेको छ।

लालपुर्जाधारी लक्ष्मण दमाईले कित्ता नं. २९२५ मा सरकारी नक्सा अनुसार जग्गा नापजाँच गराई घर निर्माण सुरु गरेका थिए । तर पछिल्ला तीन दिनदेखि भारतीय एसएसबीले “यो सिमानामा पर्छ” भन्दै निर्माण कार्य रोक्न दबाब दिँदै आएको उनको आरोप छ ।

“मैले लालपुर्जासहित अमिन ल्याएर घरको जग खनेको हुँ,” दमाईले भने, “तर भारतीय एसएसबी बारम्बार आएर उता सार्न भनिरहेको छ। यो नेपाली जमिन हो भन्ने प्रमाण हुँदा पनि दबाब दिनु दुःखद हो ।” स्थानीय परमानन्द भट्टका अनुसार, दमाई मात्र होइन, अन्य सीमावर्ती बासिन्दा पनि वर्षौंदेखि यस्तै समस्यामा छन्।

“२०२३ सालदेखि हामी यही ठाउँमा बस्दै आएका छौं। सीमावर्ती क्षेत्रमा केही बनाउन खोज्दा भारतीय एसएसबी आएर रोकेको धेरैपटक भएको छ,” उनले बताए।

dirghayi clinic

घटनाबारे जिल्ला प्रशासन कार्यालय, कञ्चनपुरका प्रमुख जिल्ला अधिकारी लक्ष्मण ढकालले हालसम्म कुनै जानकारी नआएको प्रतिक्रिया दिएका छन्।

“मलाई यस्तो विषयबारे औपचारिक जानकारी आएको छैन। म सशस्त्र प्रहरी र इलाका प्रहरीलाई घटनास्थलमा बुझ्न पठाउँछु,” ढकालले भने ।

सशस्त्र प्रहरीद्वारा रिपोर्टिङमा अवरोध

घटनाको स्थलगत रिपोर्टिङका लागि पुगेका दोधारा चाँदनी खबरका पत्रकारलाई सशस्त्र प्रहरी बल, नेपाल अन्तर्गत भूमिराज बोर्डर आउट पोस्टका प्रहरी निरीक्षक अमित मल्लले सिमावर्ती क्षेत्रमा रिपोर्टिङ गर्न पूर्व अनुमति लिनु पर्ने भन्दै फोटो तथा भिडियो खिच्न रोक लगाएका छन् ।

“सार्वजनिक क्षेत्रमा समाचार संकलन गर्दा पनि रोकिनु प्रेस स्वतन्त्रताको उल्लंघन हो,” पीडित पत्रकारले प्रतिक्रिया दिएका छन् ।

  

  

Himal dental
सम्बन्धित
Loading...