महेन्द्रनगर । नेपाल विद्यार्थी संघ(नेविसंघ)ले दिवंगत पूर्व सह महामन्त्री अच्युतराज कलौनीको स्मृतिमा बैजनाथ माध्यमिक विद्यालयमा अक्षयकोष स्थापनाका लागि दुई लाख हस्तान्तरण गरेको छ ।
बैजनाथ माध्यमिक विद्यालय व्यवस्थापन समितिका तत्कालिन अध्यक्ष कलौनीको गत माघमा निधन भएको थियो ।
नेविसंघका अध्यक्ष दुजाङ शेर्पाले बिहीबार उक्त दुई लाख रुपैयाँको बैंक चेक अच्युतका पिता जनकराज कलौनीलाई हस्तान्तरण गरेका छन्।
कलौनी भीमदत्त नगर काँग्रेसको नगर सभापति पनि थिए । ‘उहाँको निधनको ९ औँ पुन्यतिथिका अवसरमा आयोजित शोक सभामा नेविसंघ केन्द्रीय समितिका तर्फबाट उहाँ अध्यक्ष रहेको विद्यालयमा अक्षयकोष स्थापना गर्ने घोषणा गरेका थियौँ,’ अध्यक्ष शेर्पाले भने,‘सोहीअनुसार बुबाको हातमा आज रकमको चेक हस्तान्तरण गरेका छौँ।’
