राष्ट्रिय ज्येष्ठ नागरिक महासंघले प्रधानमन्त्रीसित राख्यो ज्येष्ठ नागरिक बैक स्थापना लगायतका विभिन्न माग
महेन्द्रनगर । राष्ट्रिय ज्येष्ठ नागरिक महासंघले ज्येष्ठ नागरिक बैक स्थापना लगायतका विभिन्न मागहरु राखेर प्रधानमन्त्री केपी शर्मा ओलीसित भेटघाट गरेको छ ।
महासंघको पदाधिकारी र सदस्य सहितको टीमले बालुवाटारमा प्रधानमन्त्री ओलीसित भेटघाट गरी मागबारे ध्यानाकर्षण गराएको छ ।
महासंघका वरिष्ठ उपाध्यक्ष शारदा चन्दका अनुसार भेटघाटमा महासंघका जिल्ला संघको वास्तबिक समस्या, ३० लाख जेष्ठ नागरिकलाई कानुनले दिएको सेवा सुविधा,छुट,हकहित,अधिकार कार्यान्वयन गर्ने लगायतका विषयमा प्रधानमन्त्रीसित भेटघाट गरिएको छ ।
प्रधानमन्त्रीले ज्येष्ठ नागरिकका माग पूरा गर्ने आश्वासन दिएका छन् ।
