महेन्द्रनगर । बिहीबार विहान ११ बजेसम्म केही चहलपहल देखिएको महेन्द्रनगर बजार त्यसपछि सुनसान बनेको छ । अहिले बजारका पसल, उद्योग, कलाकारखना सबै पूर्ण रुपमा बन्द छन् । बुधबार विहानदेखि बजार पूर्ण रुपमा बन्द भएको थियो ।
बिहीबार विहान ११ बजेसम्म बजार केही पसल खुले । बजार क्षेत्रमा चहलपहल बढ्यो । सेना र प्रहरीका गाडीले बजार गस्ती गरि रहेका थिए ।
११ बजेपपछि सेना सहित सुरक्षाकर्मी तैनाथ भएपछि फेरि बजार बन्द भएर सुनसान बन्न पुगेको छ ।
बुधबारको तुलनामा आज छिटफुट आवामगन भने भइ रहेको छ । बुधबार दिउँसादेखि चमचोक लगायतका स्थानमा सुरक्षाकर्मीले प्रेसलाई समेत आवागमन गर्न रोकेका थिए ।
सेना सहित सुरक्षाकर्मीले बुधबार सोधपुछ गरेर मात्रै आवामगन गर्न दिएका थिए । आज बुधबार जसरी सोधपुछ नगरी आवागमन गर्न दिइएको छ । बजार क्षेत्रमा छिटफुट आवामगन भई रहेको छ ।
जेएनी आन्दोलनको नाममा सरकारी तथा सार्वजनिक र सत्तारुढ दलका नेताहरुका घरमा आगजनी तथा तोडफोड गरिएको छ ।
मंगलबार राति १० बजे देशभर निषेधाधाज्ञा तथा कफ्र्यु जारी गरी सेना गस्तीमा आएको हो । बुधबार विहानदेखि सेना सहित सुरक्षाकर्मी परिचालन गरिएका छन् ।
