महेन्द्रनगर । दोधारा चाँदनी नगरपालिका ४ स्थित सृजना बचत तथा ऋण सहकारी संस्था लि.को नयाँ कार्य समिति निर्वाचनमा मतदान सकिएको छ ।
निर्वाचनमा सहकारीका ४ हजार ९ सय ३६ मतदातामध्ये २ हजार ५ सय ३३ मत खसेको निर्वाचन समितिले जानकारी दिएको छ । साँझ ७ बजेदेखि मत गणना सुरु हुने बताइएको छ ।
दोधारा चाँदनी नगरपालिका भवनमा मत गणना गर्ने तयारी गरिएको छ । निर्वाचन समितिका अनुसार चाँदनी शाखामा २१९७ र दोधारा शाखामा ३३६ मत खसेको छ ।
