महेन्द्रनगर । कञ्चनपुर निर्वाचन क्षेत्र नं. ३ का प्रतिनिधि सभा सदस्यका स्वतन्त्र उम्मेदवार दिपक बहादुर सिहले भीमदत्त नगरपालिका १९ बागफाँटामा सम्पर्क कार्यालय खोलेका छन् । भीमदत्त नगरपालिका ४ जानकीटोलमा सिहले मुख्य निर्वाचन पचिालन कार्यालय खोलेका छन् ।
काँग्रेसका महाधिवेशन प्रतिनिधि सिह पटक पटक होइन, एक पटक, राजनीतिक पेशा होइन, सेवा हो भन्ने नारा लिएर काँग्रेसका प्रतिनिधि सभा सदस्यका उम्मेदवार रमेश लेखक विरुद्ध बागी भएर लडेका छन् ।
कञ्चनपुर क्षेत्र नं. ३ क मा प्रदेश सभा सदस्यका आकाँक्षी उनी काँग्रेसले आकाँक्षीसित छलफल नगरी टिकट दिएपछि असन्तुष्ट भएका छन् ।
काँग्रेसमा एकै व्यक्तिले पटक पटक अवसर पाएपछि आफू त्यस विरुद्ध स्वतन्त्र भएर चुनावी मैदानमा आएको सिहले बताउँदै आएका छन् ।
