महेन्द्रनगर । भीमदत्त नगरपालिका ६ को उप निर्वाचनमा काँग्रेसका वडा अध्यक्षका आकाँक्षी हरिश भट्टले एमालेका उम्मेदवार बहादुर चन्दलाई शुभ कामना दिएका छन् ।
एमालेले शनिबार दिउँसो पत्रकार सम्मेलन गरी चन्दलाई उप निर्वाचनमा वडा अध्यक्ष उम्मेदवार घोषणा गरेको थियो । पत्रकार सम्मेलन सकिएपछि एमाले पार्टी कार्यालय पुगेर भट्टले चन्दलाई शुभकामना दिएका हुन् ।
काँग्रेसबाट भट्ट सहित १३ जना वडा अध्यक्ष उम्मेदवारका आकाँक्षी छन् । काँग्रेस वडा समितिले वडाबाट सर्वसम्मत उम्मेदवार बनाउने गरी छलफललाई निरन्तरता दिएको छ ।
वडा अध्यक्षका आकाँक्षी भट्ट काँग्रेस सम्बद्ध प्रेस युनियनको सुदूरपश्चिम प्रदेश समितिका महासचिव हुन् ।
