एमाले राप्रपाबीच कञ्चनपुर ३ मा चुनावी तालमेल, राप्रपाले उम्मेदवारी नदिने अन्य क्षेत्रमा पनि एमालेलाई सघाउने

महेन्द्रनगर । राष्ट्रिय प्रजातन्त्र पार्टीले नेकपा एमालेलाई कञ्चनपुर निर्वाचन क्षेत्र नं. ३ बाहेक अन्य क्षेत्रमा पनि सघाउने भएको छ । एमाले र राप्रपाबीच शनिबार भएको चुनावी तालमेलका सहमति अनुसार राप्रपाका उम्मेदवार नभएका निर्वाचन क्षेत्रमा एमालेलाई सघाउने सहमति भएको हो ।

एमाले पार्टी कार्यालयमा शनिबार साँझ दुबै दलबीच कञ्चनपुर क्षेत्र ३ मा चुनावी तालमेलका लागि ५ बुँदे सहमति पत्रमा हस्ताक्षर गरिएको छ । सहमति पत्रको ४ नम्बर बुँदामा राप्रपाका उम्मेदवार नभएका क्षेत्रमा एमाले उम्मेदवारलाई सघाउने बुँदा समावेश गरिएको छ ।

deepak

‘कञ्चनपुरका अन्य निर्वाचन क्षेत्रमा पनि राष्ट्रिय प्रजातन्त्र पार्टीले उम्मेदवार नदिएका क्षेत्रहरुमा एमालेका सूर्य ध्वजा वाहक चुनाव चिन्हका उम्मेदवारका पक्षमा मतदान गर्ने गराउन सहयोग गर्ने’ सहमति पत्रमा भनिएको छ ।

सहमति अनुसार कञ्चनपुर ३ को प्रतिनिधि सभा र प्रदेश सभा ख मा राप्रपाले एमाले र प्रदेश सभा क मा एमालेलाई राप्रपालाई सहयोग गर्ने भएका छन् ।

राप्रपाका प्रदेश अध्यक्ष जोशी कञ्चनपुर ३ क मा उम्मेदवार छन् । यसैगरी एमालेबाट प्रतिनिधि सभामा निरुदेवी पाल र प्रदेश सभा ख मा सुरेन्द्र विष्ट उम्मेदवार भएका छन् ।

सम्बन्धित
Loading...