महेन्द्रनगर । भीमदत्त नगरपालिका ३ तिलकपुरस्थित विष्णु जनसेवा समितिको १४ औं साधारण सभा सोमबार सम्पन्न भएको छ । समितिका पूर्व अध्यक्ष बीर बहादुर विष्टको प्रमुख आतिथ्यमा साधारण सभा गरिएको छ ।
समितिका अध्यक्ष कृष्णादेवी विष्टको अध्यक्षतामा गरिएको कार्यक्रममा बैजनाथ माध्यमिक विद्यालय तिलकपुरका प्रधानाध्यापक मदन बहादुर विष्ट, समितिका पूर्व अध्यक्षद्वय मान बहादुर विष्ट र दल बहादुर विष्ट, संस्थापक उपाध्यक्ष दान सिह विष्ट विशिष्ठ अतिथि थिए ।
कार्यक्रममा समितिले तीन जनालाई सम्मान गरेको छ । समितिलाई जग्गा दान दिने भगत बहादुर विष्ट सहित गौरादेबवी मन्दिरका निर्माता मान बहादुर विष्ट र गौरादेवी भजन किर्तन भवनका निर्माता विस्नादेबी विष्टलाई सम्मान गरिएको छ ।
समितिका उपाध्यक्ष भगत बहादु विष्ट स्वागत मन्तव्य राखेको कार्यक्रमको सञ्चालन कोषाध्यक्ष अमिर बहादुर विष्टले गरेका थिए ।
