महेन्द्रनगर । बेदकोट नगरपालिका स्तरीय तेस्रो नगर स्तरीय तथा १३ औं राष्ट्रपति रनिङ्ग शिल्ड प्रतियोगिता उद्घाटन भएका खेलमा बैजनाथ माध्यमिक विद्यालय जडेपानीले चार स्वर्ण हात पारेको छ । एथ्लेटिक्स अन्र्तगत १५ सय मिटर छात्र र छात्रा, एक सय मिटर दौड तथा चार गुणा चार सय रिले दौडमा स्वर्ण जितेको छ ।
१५ सय मिटर दौडमा बैजनाथका कक्षा ११ का छात्र निपुण चन्दले स्वर्ण पदक जितेका छन् । कक्षा ९ की लक्ष्मी भट्टले १५ सय छात्रातर्फ स्वर्ण पाएकी छन् । एक सय मिटर दौडमा प्रथम भएर कक्षा ९ की मटर ममता साउँदले स्वर्ण जितेकी छन् । निपुण चन्द सहित राजेन्द्र दमाई, गिरीज कुँबर सागर र सागर विष्टले छचार गुणा चार सय रिलेमा स्वर्ण हात पारेका छन् ।
यसैगरी एक सय मिटर दौड छात्रतर्फ कक्षा ८ का धिरेन्द्र दमाईले कास्य पदक जितेका छन् । विद्यालय व्यवस्थापन समितिका अध्यक्ष कृपाराम रानाले पदक विजेतका सबै विद्यार्थीलाई धन्यवाद दिँदै प्रतियोगितामा सफलताका लागि शुभ कामना दिएका छन् ।
