महेन्द्रनगर । नेकपा (एमाले) ले भीमदत्त नगरपालिकामा वडा अध्यक्ष रविन्द्र देवकोटाको नेतृत्वमा पालिका सभा दल गठन गरेको छ ।
एमालेको भीमदत्त नगर कमिटी अध्यक्ष हिमाल चन्दको अध्यक्षतामा बुधबार पार्टी कार्यालयमा बसेको बैठकले पालिका सभा दल गठन गरेको हो ।
एमालेको विधान २०४९ को धारा ७४ (२) ले व्यवस्था गरे अनुसार गठन गरिएको पालिका सभा दलमा भीनपा वडा नं. ९ का अध्यक्ष गगनसिंह कार्की, ७ का अध्यक्ष गणेश बहादुर चन्द, वडा नं. १३ का सदस्य बालादेवी नाथ, हरिश साउद, फुल पहरी र वडा नं. ९ का सदस्य केशव जोशी सदस्य छन् ।
बैठकमा मिसन ग्रासरुट अभियानका केन्द्रिय प्रतिनिधि पवित्रा तिमिल्सिना, जिल्ला अध्यक्ष सुरेन्द्र विष्ट, जिल्ला सदस्यहरु विष्णु कँडेल, विक्रम महता र नगर कमिटी उप सचिव नरेन्द्र कार्की लगायतका नेता सहभागी भएका छन् ।
