महेन्द्रनगर । एकीकृत सरकारी कर्मचारी संगठन नेपाल कञ्चनपुरले संगठनको दर्ता दिवसको अवसरमा महेन्द्रनगरमा मंगलबार साँझ दिपावली गरेको छ । मदनचोकस्थित भेटघाट चौतारीमा दीप प्रज्वलन कार्यक्रम गरिएको छ । कार्यक्रममा कर्मचारी संगठन र पेशागत महासंघका पदाधिकारी सदस्य लगायतका सहभागी भएका छन् ।
संगठनले दर्ता दिवसको अवसर पारी गरेको कार्यक्रममा संगठनको केन्द्रीय समिति र पेशागत महासंघ नेपाल केन्द्रीय समिति र सुदूरपश्चिम प्रदेश सतितिमा निर्वाचित पदाधिकारी र सदस्यलाई सम्मान गरेको छ ।
कार्यक्रममा कर्मचारी संगठनका उपाध्यक्ष शेरसिंह भण्डारी, केन्द्रीय सदस्यद्वय केशव दत्त बडु र लिलावती भाट, पेशागत महासंघ नेपालका केन्द्रीय सदस्य मिना कँुबर, सुदूरपश्चिम प्रदेश अध्यक्ष डा. कबिन्द्र चन्द, प्रदेश महासचिव महेश दत्त भट्टm पेशागत महासंघ कञ्चनपुरका अध्यक्ष देवदत्त जोशीलाई सम्मान गरिएको छ ।
एकीकृत सरकारी कर्मचारी संगठन कञ्चनपुरका अध्यक्ष पुरुषोत्तम भट्ट संगठन र पेशागत महासंघका पदाधिकारी र सदस्य सबैलाई सम्मान गरे ।
कार्यक्रममा अध्यक्ष भट्टले सम्मानित सबैलाई बधाई दिँदै कार्यकाल सफलताको कामना गरे । उनले संगठन कर्मचारी हकहितका लागि सामूहिक सौदाबाजीका लागि सधै प्रतिवद्ध रहेको बताए ।
