महेन्द्रनगर । बेलौरीको उग्रतारा बाल बिद्यालयमा नेपाली सेनाको राष्ट्रिय सेवा दल एन.सि.सि.तालिम सुरु भएको छ । तालिममा विद्यालका १८ छात्र र १८ जना छात्रा गरी ३६ जना सहभागी भएका छन् ।
सेनाले अनुशासित, बफादार, नेतृत्व, देशभक्त, आत्म विश्वास, स्वयम् सेवक जनशक्ति एवम् सक्षम नागरिक बनाउन २०२२ सालदेखि तालिम सञ्चालन गर्दै आएको छ ।
तालिम सञ्चालन गरेको सेनाको श्रीदल गुल्म भगतपुर व्यारेकका सह सेनानी मनोज जी.सीले तालिममा शारीरिक, खुकुरी ड्रिल, सैनिक कला, हाइकिङ, एरोबिक्स, मास पिटी, म्याप रिडिङ जस्ता सीपहरु सिकाईने जानकारी दिए ।
सेनाले सिनियर र जुनियर गरी दुई बटा डिभिजन छुट्याएर तालिम दिने गरेको छ । कक्षा ८ देखी १० सम्मका बिद्यार्थीहरुर्ला दिईने तालिम जुनियर डिभिजनको हो भने कक्षा ११ र १२ का विद्यार्थीहरुलाई दिइने तालिम सिनियर डिभिजनको हो । सिनियर डिभिजनको तालिममा हतियार समेत चलाउन सिकाईन्छ ।
तालिम एक सय १०० दिनको रहने छ, जसका ७९ दिन सम्म बिद्यालय र २१ दिन कोहलपुरमा सञ्चालन हुने छ । एन.सि.सि तालिमले विद्यार्थीहरुको बानी व्यवहार, आचरणमा पनि सुधार ल्याउने उग्रतारा बाल बिद्यालयका प्रिन्सिपल केशब सिह बिष्टले बताए ।
यस बर्ष कञ्चनपुरका ५ बटा बिद्यालयहरुमा एन.सि.सि तालिम सञ्चालन भएका छन् । बेलौरीस्थित उग्रतारा बाल विद्यालय, झलारी स्थित कृष्ण माध्यमिक विद्यालय र महेन्द्रनगर स्थित ईन्टर नेशलन पब्लिक स्कुलमा जुनियर डिभिजन र बेलौरीकै महाकाली माध्यमिक बिद्यालय र महेन्द्रनगर स्थित महेन्द्रनगर माध्यमिक बिद्यालय–साधारण) मा सिनियर डिभिजनको तालिम सञ्चालन हुने छ ।
कार्यक्रम उग्रतारा बाल विद्यालयका संस्थापक तथा बिद्यालय व्यवस्थापन समिति अध्यक्ष टेक बहादुर साउदको सभापतित्व तथा श्री श्रीदल गुल्म भगतपुरका सह सेनानी मनोज जि.सी .को प्रमुख आतिथ्यमा कार्यक्रम गरिएको छ ।
