महेन्द्रनगर । कञ्चनपुरको महेन्द्रनगर गल्ली नम्बर ३ फ्रीलाइनस्थित ललिता हेयर एन्ड ब्युटी होमले जाजरकोटका भूकम्प पीडित विद्यार्थीलाई न्यानो लुगा सहयोग गरेको छ ।
जाजरकोट जिल्लाको कुशे गाउँपालिका–२ लक्ष्मी आदर्श आधारभूत विद्यालयको १ देखि ५ कक्षासम्म अध्ययनरत भूकम्प पीडित विद्यार्थीलाई ट्रयाक शुट र स्वीटर सहयोग गरिएको छ ।
२०८० सालको तिहारमा ललिता हेयर एन्ड ब्युटी होमका सम्पूर्ण टीमले महेन्द्रनगर बजारमा देउसीभैलो खेलेर संकलन भएको रकममा थप रकम ब्युटी होमका सञ्चालक कविता नेगी ऐरले थपेर न्यानो लुगा खरिद गरेर वितरण गरेकी छन् ।
