महेन्द्रनगर । गणतन्त्र दिवसको अवसर पारी फ्लोरिडा इन्टरनेशन बोर्डिङ्ग स्कुलले आयोजना गरेको नगर स्तरीय फ्लोरिडा ब्रेन पावर हायर हाजिरी जवाफ प्रतियोगितामा इन्टरनेशनल पब्लिक सेकेन्ड्री स्कुलले प्रथम स्थान हासिल गरेको छ ।
प्रतियोगितामा प्रथम स्थान हासिल गरी इन्टरनेशनले नगद १० हजार पुरस्कार सहित मेडल र प्रमाण पत्र हात पारेको छ ।
इन्टरनेशनबाट कक्षा १० का विद्यार्थी महिमा लेखक,सुप्रीत रावल, उज्ज्वल झा र हिमान्सु भट्टको टोली प्रतियोगिता सहभागी भएको छ ।
भीमदत्त नगरपालिका २ उल्टाखामको एभरेष्ट एभरग्रिन द्वितिय र बैजनाथ माध्यमिक विद्यालय महेन्द्रनगर तेस्रो भए । प्रतियोगितामा भीमदत्त नगरपालिका क्षेत्रका सामुदायिक र संस्थागत गरी १० विद्यालयले भाग लिएका छन् ।
