महेन्द्रनगर । नेकपा एमाले भीमदत्त नगर कमिटी अध्यक्ष हिमाल चन्दले असार १० गते हुने नगर सभामा सुरक्षा व्यवस्था बनाउन मेयर पदम बोगटीलाई आग्रह गरेका छन् ।
एमालेबाट निर्वाचित भीनपा १८ का वडा अध्यक्ष रविन्द्र देबकोटा आफूलाई असुरक्षा भएको भन्दै बैठक छाडेर बाहिर निस्किएपछि नगर अध्यक्ष चन्दले सामाजिक सञ्जालबाट सुरक्षा व्यवस्था कडा बनाउन आग्रह गरेका हुन् ।
‘भीमदत्त नगरकार्यपालिका को बैठकवाट आज वडा न १८ का अध्यक्ष रबिन्द्र देवकोटा लाई लखेटेको खबर आयो मेयर उप मेयरले निरीह भएर मुकदर्शक बने पनि यो ललकार नेकपा एमालेलाई स्वीकार छ । जन निर्वाचितले जनताका कुराराख्न नपाउने नै हो कि कहा गएर राख्ने बहुमतको दम्भ हो भने १० गते हुने नगर सभामा सुरक्षा व्यवस्था कडा नै गर्नु होला’ उनले भनेका छन् ।
