सशस्त्र प्रहरीले तस्करी रोक्न नसकेपछि दोधारा चाँदनीमा अनुसन्धानको टोली खटियो, विषादी मिसाइएका तस्करीका माछा बरामद

दोधारा चाँदनी सशस्त्रको बिओपीमा नयाँ इन्चार्ज गएपछि बरामद हुनै छाड्यो तस्करीको समान

महेन्द्रनगर । सशस्त्र प्रहरीले दोधारा चाँदनी क्षेत्रबाट हुने तस्करी नियन्त्रण गर्न नसकेपछि राष्ट्रिय अनुसन्धाननको टोली सक्रियता देखाएको छ । भारतसित खुला सीमा नाकाका कारण वर्षौदेखि तस्करी हुँदै आएको यस क्षेत्रबाट पछिल्लो पटक तस्करी ह्वात्तै बढेपछि अनुसन्धानले सक्रियता देखाएको हो । अनुसन्धानको टीम सक्रिय भएपछि सीमा अपराध नियन्त्रणका लागि खटिएको सशस्त्र प्रहरीको भूमिका विवादमा परेको छ ।

सशस्त्र प्रहरीको दोधारा चाँदनी बिओपीमा नयाँ इन्चार्ज गएपछि अहिलेसम्म तस्करीका समान बरामद भएका छैन् । बिओपीमा नयाँ इन्चार्ज गएपछि दोधाराा चाँदनीबाट आएको एक ट्रक मलखाद केही महिना अघि गड्डाचौकीमा बरामद गरिएको थियो ।

deepak

राजनीतिक पहुँचका आधारमा बिओपी इन्चार्ज खटिएकाले उनी तस्करी नियन्त्रणमा उदासिन देखिएको सशस्त्र प्रहरी स्रोतको भनाई छ । नेतासित पहुँचका आधारमा त्यहाँ गएपछि तस्करीको समान समातिने कुरा हुँदैन, सेटिङ्ग मिलाउने र नेताहरुले भने अनुुसार गर्नु पर्ने हुन्छ’ सशस्त्र प्रहरी स्रोतले भन्यो ।

सशस्त्र प्रहरीका पोष्ट थपिएपछि तस्करीको समान बरामद हुने क्रम ह्वात्तै घटेको छ । स्थानीयका अनुसार तस्करसित सेटिङ्गका कारण पोष्ट थपिएर पनि तस्करी बढेको हो । सशस्त्रको बिओपीमा नयाँ इन्चार्ज भएपछि झन तस्करी बढेको उनीहरु बताउँछन् । ‘पहिलाको इन्चार्जले नेताले भनेको मान्दैन थिए, समान पनि बरादम गरेको थिए, अहिले त लोकल (हाम्रै) नगरका नेताले भनेपछि पनि भइ हाल्छ’ दोधारा चाँदनीका एक स्थानीले भने,‘तस्करीमा पहिला भन्दा अहिले सजिलो भाको छ ।’

सशस्त्र प्रहरीको निष्क्रियतापछि सक्रिय बनेको अनुसन्धानको टोलीले भारतबाट तस्करी गरिएका माछा बरामद गरेको छ । अनुसन्धानका सई नितेश जोशीको नेतृत्वको टिमले माछा बरामद गरेको छ । बरामद गरिएको माछा सशस्त्र प्रहरीको मझगाउँ कार्यलयलाई बुझाइएको छ ।

बिहिबार दिउँसो २ बजे बरामद गरिएको माछा भीमदत्त नगरपालिका वडा नं. १६ का अध्यक्ष केशव सिंह बिष्टको उपस्थितिमा भारतबाट नेपाल ल्याइएको अबैध ८० किलो माछा नष्ट गरिएको छ ।

भारतबाट नेपाल भित्र्याइएका माछामा मानव शरिरको लागि घातक मानिने फर्मासिल नामक बिषादि मिसाइएको एक क्वारेन्टाइन कर्मचारिले बताए । विषादी मिसाइएका माछा सधै नेपाल भित्र्याउने जानकारीका आधारमा अनुसन्धानको टोली खटिएको हो ।

भारतबाट ल्याइएको अबैध माछाहरुसँगै स्कुटि र मोटरसाइकल बरामद भएपनि मोटरसाइकल र स्कुटि आफ्नो निर्देशनमा छोडिएको सशस्त्र प्रहरी उपरिक्षक अमर बहादुर ऐरले बताए । राजश्व छलि तथा चुहावट रोकथामका निमित्त सशस्त्र प्रहरीको कार्यालयनै खोलेर राखिएको भएपनि अहिले सम्म रोकथाम कम हुन सकेको छैन् ।

सम्बन्धित
Loading...