महेन्द्रनगर । भीमदत्त नगरपालिका ६ ऐठपुरस्थित सन्त निरंकारी मण्डलले महाकाली सिँचाईको नहरमा सरसफाई गरेको छ । मण्डलले प्रोजेक्ट अमृत अन्तर्गत “स्वच्छ जल , स्वच्छ मन , स्वच्छ कल “ भन्ने नारा सहित शिव मन्दिर नहर खण्डमा नहर सरसफाई गरेको छ ।
नहर सरसफाइ अभियानको उद्घाटन मण्डलका केन्द्रिय सह सचिव एवम् महेन्द्रनगर मुखि नर बहादुर विश्वकर्माले गरे । सरसफाई कार्यक्रममा सेवादल युनिट न. ८३७ का सेवादल भाइ बहिनी सहित भीमदत्त, दोधारा चाँदनी, बेदकोट र शुक्लाफाँटा नगरपालिकाका सन्त परिवार सहभागी भएका छन् ।
सरसफाईपछ गरिएको सत्सङ कार्यक्रममा सेवा नै धर्म हो भन्दै पर्यावरणमा जल स्वच्छताको महत्वका साथै ब्रह्मलिन सत्गुरु बाबा हरदेव सिंह जी महाराजको जीवनी र सन्त निरंकारी मिसन लाइ दिएको योगदान , विश्वमानव समाजलाइ मानवता , समानता , एकता र एकत्वको सन्देशबारे चर्चा गरिएको छ । कार्यक्रमको स्टेजसेवा प्रचारक करन सिंह सुनार थिए ।
