माधब पौडेल
बेलौरी । बेलौरी नगर खेलकुद समितीले सहिद दिवसको असवरमा आयोजित नगरस्तरीय प्रथम मेयर कप टी–ट्वाइन्टी क्रिकेट प्रतियोगिता एवम् पालिका स्तरिय अन्तर विद्यालय नृत्य प्रतियोगिताको बेलौरी नगरपालिकाका नगर प्रमुख पोतिलाल चौधरीले उदघाटन गरेका छन् ।
मंगलबार सहिद दिवसको अवसर बेलौरी बजार परिक्रमा गरि प्रभातफेरीको आयोजना गरिएको छ । खेलकूद समतिकिा सभापति नगर खेलकुद समितिका अध्यक्ष रामेश्वर न्यौपानेको अध्यक्षातमा गरिएको कार्यक्रममा बेलौरी नगरपालिकाका मेयर चौधरी प्रमुख अतिथि थिए ।
कार्यक्रममा उप मेयर जोगराम चौधरी विशिष्ठ अतिथि थिए । कार्यक्रममा बेलौरी नगरपालिकाका नगर प्रबक्ता हर्क बहादुर भुल,पूर्व प्रधानाध्यापक प्रेम सिंह बोहरा लगायत सहभागी भए । पालिका स्तरिय अन्तर बिधालय नृत्य प्रतियोगिता समेतको आयोजना गरिएको छ ।
कार्यक्रममा नृत्य बिधामा सनराइज बिद्या सदन बेलौरी प्रथम स्थान वात्सल्य बिद्या निकेतन बेलौरी,द्वितीय र तृतीय स्थान सरस्वती माध्यमिक पिद्यालय बुटाबारी र ब्राइट स्टार बोर्डिङ स्कुलले सान्त्वना स्थान हासिल गरेका छन् ।
१५ सामुदायिक तथा सस्थागत बिद्यालय नृत्य प्रतियोगितमा सहभागी भएको बेलौरी नगरपालिका शिक्षा शाखाका निमित्त प्रमुख अमित भट्टले बताए । समापनमा प्रथमलाई नगद २ हजार ५ सय ट्रफी मेडल र प्रमाणपत्र,द्वितीय २ हजार ट्रफी मेडल र प्रमाणपत्र, तृतीय १ हजार ५ सय ट्रफी मेडल र प्रमाणपत्र र सान्त्वनालाई १ हजार प्रदान गरिने छ ।
खेलकुद समितिले बेलौरी नगरपालिकाभित्र रहेका सस्थागत एवम् सामुदायिक बिधालयमा अध्ययन गर्ने १९ वर्षमुनीका विद्यार्थीहरुलाई खेलमा सहभागी गराइएको बेलौरी नगर खेलकुद समिपतका अध्यक्ष रामेश्वर न्यौपानेले बताए ।
प्रतियोगितामा विजेता हुने टिमले २५ हजार ट्रफी,मेडल र प्रमाणपत्र ,उप विजेता टिम १५ हजार ट्रफी,मेडल र प्रमाणपत्र सहितको पुरस्कर प्रदान गरिने अध्यक्ष न्यौपानेले बताए ।
नगर खेलकुद समिपतिले यस अघि ब्याडमिन्टन,फुटबल ,भलिबल ,राष्ट्रपति रनिङ शिल्ड प्रतियोगिता गरेको छ । प्रतियोगितामा १२ टिम सहभागी भएका छन् ।
