महेन्द्रनगर । प्रतिनिधि सभाको शुक्रबारको बैठक सुरू भएको छ । बैठक सुरू हुने बित्तिकै सांसदहरूले बोल्न समय माग गरेका थिए।
सभामुख देवराज घिमिरेले नेपाली कांग्रेसका सांसद शंकर भण्डारीलाई बोल्न समय दिए । उनले देशभर बाढीपहिरोले क्षति पुगेको विषय उठाएका छन् ।
त्यसपछि सांसद दामोदर पौडेल बैरागी बोलेका छन्। उनले देशभर बाढीपहिरोले क्षति पु¥याइरहेको र मुलुकमा सरकार नै नभएको अवस्था रहेको दाबी गरेका छन् ।
सांसदहरू बोलेपछि शुक्रबारकै बैठकमा प्रधानमन्त्री पुष्पकमल दाहाल ’प्रचण्ड’ ले विश्वासको मत प्रस्ताव पेस गर्ने तयारी छ ।
एमाले र जनता समाजवादी पार्टीलगायतले समर्थन फिर्ता लिएपछि प्रधानमन्त्री दाहालले विश्वास मत लिन लागेका हुन् ।
